நான் சொல்கிறேன்

ஓரிடத்திலிருந்து கொண்டு
உலகை சுற்றி வந்து
கருத்துகளாக நானாகி
என்னையே கரைத்து
பேனாவிநூடு நுழைந்து
காகிதத்திலே படர்கிறேன்

உலகம் சுற்றுவதைவிட
என் தலை சுற்றுவதே அதிகம்
எண்ணங்கள் என்னை
பின்னி எடுக்கும் பிரளயத்தின் போது

எனதின் எண்ணங்களை
கவிதை விளக்கிலே
எண்ணையாக ஊற்றுகிறேன்
நானே திரியாகியும் எரிகிறேன்
அந்த வெளிச்சத்தில்
என்னை பாருங்கள்

என் உள்ளதை ஒப்பிட
உலகத்தில் உள்ளதை எல்லாம்
உருவிப் பார்த்தேன்

முடியவில்லை
நானே எரிந்து
நீராகி கடல் நீரிலே கரைகிறேன்

அப்போதுதான் என் உள்ளத்தை
அறிந்து கொள்கிறேன்

என்ன அலைகள் எழுந்து
கரை வரை வந்து
வெளியே சொல்லமுடியாமல்
மெல்லப்படுகிறது...

இதனால்,
என் உள்ளத்தை திறந்து
உணர்வுகள் உருவாக்கும் - கவிதைகள்
உயிருள்ளவைகள்...