புதன், 21 மார்ச், 2012

அஸ்ரப் ஞாபகார்த்த வைத்தியசாலை ஓர் ஆட்கொல்லி சாலை?


கடந்த 18.03.2012 அன்று எனது உறவினர் ஒருவர் ஒரு திருமண வைபவத்தில் கலந்து கொண்டு வீடு திரும்பிய சில மணி நேரங்களின் பின்னர் கடுமையான வயிற்று வழியால் அவதி பட்டார். அன்று நல்லிரவையும் தாண்டிய நிலையில் அவரை சாய்ந்தமருது வைத்தியசாலையில் அனுமதித்தோம். ஒரு சரியான சிகிச்சை வழங்க படாமையால் அவர் வலி தாங்க முடியாமல் மிகவும் வேதனையுடன் அவதி பட்டு கொண்டிருந்தார்.

பின்னர் நாங்கள் அவரை அவ்வைத்தியசாலையில் இருந்து விலக்கி கொண்டு அவரை கல்முனையில் உள்ள தனியார் வைத்திய சாலை ஒன்றில் பெரேரா எனும் ஒரு வைத்திய ஆலோசகரிடம் காண்பித்தோம். அவர் இது அப்பெண்டிசயிட் எனவும் அண்மையில் உள்ள அவர் வேலை செய்யும் அஸ்ரப் ஞாபகார்த்த வைத்தியசாலையில் அனுமதிக்கும் படி ஆலோசனை வழங்கினார். அவரை அங்கு அழைத்து சென்று அனுமதித்தோம்.

வேதனையில் துடிக்கும் ஒரு நோயாளிக்கு உடனடியாக எந்த விதமான சிகிச்சையோ அல்லது அவர் இருப்பதற்கு ஓர் கட்டிலோ வழங்க படவில்லை. ஒரு சில மணி நேரங்களின் பின்னர் ஒரு உதவி வைத்தியர் வந்து பார்வையிட்டதன் பின்னர் அவருக்கு ஒரு கட்டில் வழங்கபட்டது அத்துடன் அந்த வைத்தியர் இரத்தம் மற்றும் சிறு நீர் பரிசோதிக்க வேண்டும் எனவும் அன்றிரவே சத்திர சிகிச்சை செய்ய வேண்டும் எனவும் கூறினார். அதே நேரம் இரத்தம், சிறு நீர் பரிசோதனைகள் வைத்தியசாலையில் மேற்கொள்ள முடியாது ஏனென்றால் அன்று வைத்தியாசலை ஊழியர் பணி நிறுத்தம் எனவும் குறிப்பிட்டார். முடிந்தால் வெளியில் செய்து கொண்டு வருமாறு கூறினார். எப்படியோ கல்முனையில் உள்ள ஓர் தனியார் பரிசோதனை கூடத்தில் உடனடியாக அந்த அறிக்கைகளை கொண்டு வந்து கொடுத்தோம்.

ஆனால் சத்திரசிகிச்சை அடுத்த நாள் 20.03.2012 பின்னேரம்தான் செய்யப்பட்டது. இருந்த போதிலும் அவருக்கு வலி குறைந்த பாடில்லை. ஊழியர்களிடம் கூறிய போது திருப்தியான பதில் எதுவும் கிடைக்கவும் இல்லை. சத்திர சிகிச்சையின் போது எடுத்த கல் எங்கே என்று வினவிய போது முழிக்கின்றனர். எங்களுக்கு சந்தேகம் அதிகரித்தது.

வைத்திய சாலை நிர்வாகத்தில் உள்ள எங்களது உறவினர் ஒருவர் மூலமாக முகாமைதுவத்திடம் சென்று முறையிட்ட போது விசாரித்ததில் வெட்டி பார்த்தோம் கல் இருக்கவில்லை என்று எதோ ஆடையை வெட்டி தைப்பது போல் அலட்சியாமாக பதில் அளிக்கபட்டது. சந்தேகத்தின் பேரில்தான் வெட்டி பார்த்தோம் என்று சமாளிக்க முயற்சித்தனர்.

சரியான நோயை கண்டறிய பல்வேறு scanning, testing இருந்த போதும் உரிய முறையில் சிகிச்சை வழங்க படமால் கண்ட படி வெட்டி குத்தும் இந்த வைத்தியர்களின் அலட்சிய போக்கை எங்கே சென்று முறையிடுவது? அண்மைக் காலங்களில் வைத்தியர்களின் இவ்வாறான அலட்சிய போக்குகள் காரணமாக பல மரணங்களும் சம்பவிதுள்ளதாக அறிய கிடைக்கிறது.

இந்த வைத்திய சாலையில் வைத்தியர்களுக்கு மத்தியில் நான் பெரிய ஆளா, நீ பெரிய ஆளா என்ற போட்டி பொறாமைகள் மட்டும் அதிகரித்து காணப்படுகிறதே தவிர நோயாளிகளுக்கு சரியான முறையில் உரிய சிகிச்சைகள் உடனடியாக வழங்க படுவதில் பல்வேறு குறைபாடுகள் அதிகமாவே காணப்படுகின்றன.

இவ்வைத்திய சாலையில் இப்படியான எத்தனையோ முறைகேடான சிகிச்சைகள் மூடி மறைக்கப்டுகின்றன. இங்கு உங்கள் உறவுகளும் சிகிச்சைக்காக அனுமதிக்க பட்டிருக்கலாம். இவ்வாறு கண்டபடி சத்திர சிகிச்சைகளோ வேறு சிகிச்சைகளோ வழங்க படுமுன்னர் சரியான நோயை கண்டு பிடித்துள்ளர்களா என்பதை உறுதிப்படுத்தி கொள்ளுங்கள். நிச்சயமாக நோய் கண்டறிய படாமல் வழங்க படும் சிகிச்சை ஆபத்தானது என்பதை புரிந்து கொள்ளுங்கள்.

உயிரை காப்பாற்றும் இந்த வைத்தியர்கள் அர்ப்பணிப்புடன் செயற்படவில்லை என்றால் வைத்தியசாலை ஓர் ஆட்கொல்லி சாலையாக மாறிவிடும் என்பதில் சந்தேகமில்லை. இந்த தவறுகளுக்கு சட்டம் என்ன சொல்கிறது என்பது எனக்கு தெரியாது. மற்றவர்களின் அனுபவங்கள் நமக்கு ஒரு பாடமாக அமைகிறது. நீங்களும் உங்கள் உறவுகளை பாதுகாத்து கொள்ளுங்கள்.
மறைக்கப்படும் இப்படியான ஆபத்தான தவறுகளை மற்றவர்களுக்கும் தெரியபடுத்துங்கள்.

புதன், 8 டிசம்பர், 2010

திருமணம்....

கூட்டல் சிறந்ததா?
பெருக்கல் சிறந்ததா?
ஒரு நண்பனிடம் கேட்டேன்
சுருக்கென முன்னேற
பெருக்கலே சிறந்தது என்றான்
பெருமையோடு...

திருமணம் ஒரு
கூட்டலா  பெருக்கலா
நீண்ட நாள் சந்தேகம் எனக்கு

கூட்டலில்
கூடலை கூட்டி
எவ்விதத்திலும் பாதிக்காது

பெருக்கலில்
பெருகளை பெருக்கி
சிலவேளை பாதிக்கும்

பக்கத்தில் இருந்த சுப்பையா
விளக்கம் சொன்னான்
பெண்களை பூச்சியத்துக்கு
குறைவாகவே மதிப்பிட முடியும்

மறு பக்கத்தில் நின்ற ஜோன்
விளக்கி சொன்னான்
கேர்ல்ஸ் ஆ
நொட ஜஸ்ட் டேஞ்சரஸ்
ஈவ்ண் டெசிமல்ஸ்

கூட இருந்த சோமபால
சும்மா விட்டானா
கெஹெனு கியன்னே
நிக்கங் அந்திமாய்
பிந்துவ்ட அடுவமாய்

அவனவன்
அனுபவத்தை சொன்னானா
ஆத்திரத்தில் சொன்னானா
தெரியவில்லை

நக்கலாய் சிரிக்கும்
நீங்க என்னதான் சொல்லுறீங்க?

கடந்த மாசம்
கல்யாணம் முடித்த கமால்
கண்ணீர் விட்டு கொண்டிருந்தான்...

ஞாயிறு, 5 டிசம்பர், 2010

ஊஞ்சலாட வருவாயா..?

காணாத உன்னை நான்
கற்பனையால் அலங்கரித்து
காணுகிறேன் ஒரு கனவு
ஊஞ்சலில் உன்னை வைத்து...

அலுவலக மேசையில்
கணனிக்கு அருகில் - என்
கவனத்தை ஈர்க்கும் விதத்தில்
விழிகளை புதைத்து வைத்து...

இருக்கமாய் இருவரும்
உல்லாசமாய் ஊஞ்சலாட
காணுகிறேன் ஒரு கனவு
ஒர்னமென்ட் ஒன்றை பார்த்து...

திங்கள், 29 நவம்பர், 2010

சுயநலவாதி

தூக்கி பிடித்தால்தான்
தூரலிலிருந்தும் காப்பான் உன்னை
குடை

ஞாயிறு, 28 நவம்பர், 2010

நவீனம்

பல்லாங்குழி, பம்பரம், கிட்டுப் பொல்
அகராதியில் மட்டும்
கூகுளில் கேம் தேடும் சிட்டுகள்
கனனியுக சிறுவர்கள்.

திங்கள், 8 நவம்பர், 2010

இளமையின் விளிம்பில்....

பிடித்து பார்க்கும் பிரளயத்தில் - விரல்கள்
கடித்து சுவைக்கும் களிப்பில் - உதடுகள்
பஞ்சணையை வேண்டி தவிக்கும் - நெஞ்சம்
முறுக்கு போட முரண்டு நிற்கும் - கால்கள்
அனைத்தையும் அடக்கி போடும் - மனது
போர்வைக்குள் உறங்கி போகின்றன 
உதய நேரத்து உணர்ச்சிகளை போல...

பாத்ரூம் வந்தனங்கள்
பெட்ரூம் வெறித்தனங்கள்
பார்க்கின் ஸ்பரிசங்கள்
தியேட்டரின் சில்மிசங்கள்
கனவுகளாய் கழியும் நிமிடங்கள்
சோர்விழந்து கிடக்கின்றன
சோற்றுக்கு வழி இல்லாதவனை போல...

இளைஞ்சர்களே..!
இளமையின் விளிம்பில்
இன்னும் எத்தனை வருடங்கள்..?

ஞாயிறு, 7 நவம்பர், 2010

எதிர் (பார்ப்பு) மாற்றம்

வருடமொன்று வசந்தமாய் கழிந்தது
வார்த்தையொன்று பொய்யானதால் - நான்
எதிர்பார்த்த வாழ்க்கை கிடைத்தது
போலிருந்தது - ஆனால் போலி

செவ்வாய், 2 நவம்பர், 2010

கண் மூடி காதல்

திரை மறைவில் ஒரு திருவிளையாடல்
தீர்க்க தரிசனத்தை மறந்தது காதல்...

ஞாயிறு, 31 அக்டோபர், 2010

உப்பில்லா கடைசோறு

குடைக்குள் குடும்பம் நடத்தும் இவர்கள்
வடைக்குள் வட்டிலப்பம் தேடுகின்றனர்...

புதன், 13 அக்டோபர், 2010

பெ(ரு/ண்)மை

லிப்ஸ்டிக் பிடிக்கும் விரல்கள்
அகப்பை பிடிக்க மறுக்கின்றன்றன

துவக்கு கூட தூக்க துணிகின்றன
கணவன் துணியை துவைக்க மறுக்கின்றன

மாதர் சங்கங்கள் நடத்துகின்றன
அம்மாவை இன்னும் முதியோர் இல்லத்தில்தான் சேர்க்கின்றன

ஆணாதிக்கம் ஒழிகவென கூக்குரலிடுகின்றன
கர்ப்ப பையையும் கழட்டிவிட துடிக்கின்றன

கலியுகப் பெண்கள் இவர்கள்
இளைஞர்களே கொஞ்சம் கவனமாக இருங்கள்..!

மண நாளை எதிர்பார்த்திருக்கும் மண பெண்ணே..!

விழி மூடிக் கொண்டு விண்ணை பார்
விண் மீன்களோடு விளையாட
கற்று கொள்வாய்..

முப்பது மூச்சுக்களை ஒன்றாக சுவாசித்து பார்
இதய காயங்களை தென்றல் தடவி விட்டுருப்பதாய்
உணர்ந்து கொள்வாய்...

கனவுலோகத்தில் உன் எதிர்காலத்தை வாழ்ந்து பார்
கற்பனையையும் ஒப்பனையையும் கலந்து பார்

ஏனென்றால் எஞ்சிய ஆயுளில்
இதனைத்தான் எம்மால் செய்ய முடியும்...

செவ்வாய், 6 ஜூலை, 2010

மௌனம்...

மௌனம் சம்மதம் என்று மட்டும் பொருட் கொள்ளாதீர் - அது
ஆயிரம் அர்த்தங்கள் பொதிந்த அதிசயமான மொழி

மொட்டுக்களின் மௌனம் ஒரு மலராகலாம்
சொட்டுக்களின் மௌனம் ஒரு அருவியாகலாம் ...
கல்வெட்டுக்களின் மௌனம் ஒரு காவியமாகலாம்
ஒட்டுமொத்த மௌனம் ஒரு சமாதியாகலாம்

மௌனத்தை மொழியாக கொண்ட எத்தனையோ பெண்கள்
வாழ்கையின் அர்த்தத்தை தேடி கண்ணீரில் கரைந்துகொண்டிருகின்றனர்

செவ்வாய், 25 மே, 2010

ஊமையாகும் உறவுகள்..

என் கண்ணீரை ஒத்தி எடுத்தால்
கறை பட்டுவிடும் என்று
என் கைகுட்டை கூட ஒதுங்கி விடுகிறது...

வியாழன், 13 மே, 2010

ஓ.. தென்றலே...

ஓ.. தென்றலே என் வீட்டு ஜன்னல் வழி வீசு...!
ஓ.. தென்றலே என்னை தேடி வந்து பேசு...!

புதன், 17 பிப்ரவரி, 2010

அவள் பல்லை கடித்து சிரிக்கும் அழகு, பனி மூட்டத்தில் பூத்திருக்கும் ஒரு முல்லை....
அவள் தோட்டத்து ரோஜாவுக்கு நிறம் கொடுத்தவள் அவள்தானே..!
தேனுக்கும் பானுவுக்கும் வித்தியாசம் தேடினேன், தேன் தெவிட்டுமாம்.

ஞாயிறு, 14 பிப்ரவரி, 2010

Valentine Wishes 2010

Among all the moments
Something unique and Beautiful
Like the sun shine flows on the waves.
You made that beautiful moment
To reach the shore in my life...

"HAPPY VALENTINE"

திங்கள், 14 செப்டம்பர், 2009

உறவுகளின் உதாசீனம்

உன்னை விரும்பும் உறவுகளை உதாசீனம் செய்வதேன்?
நீ உள்ளத்தில் வைத்தது உதறி தள்ளும்போது உருக்குலைந்து போவதேன்?

சனி, 12 செப்டம்பர், 2009

பிரிவு

பழகிப்போன விழிகள்
இன்னும் கனவு காண துடிக்கின்றன
விலகிப்போன அவள் உறவை
விழிகள் எப்படித்தான் அறியும்